(૭૪) નોકર કોનો ?,Whose servant?

 

(૭૪) નોકર કોનો ?

 

                એકવાર બાદશાહને રિંગણાનું શાક એવું ભાવ્યું કે બીરબલ પાસે રીંગણાના વખાણ કરવા લાગ્યા તો બીરબલ પણ હા એ હા કરવા લાગ્યા તો અને રીંગણાના રૂપ, રંગ, સ્વાદ,ગુણ, સુંવાળપ વગેરેના ખુબ વખાણ કર્યા.

 

            એક દિવસ બીવાળા રીંગણાનું શાક બાદશાહને ન ભાવ્યું ને બાદશાહે બીરબલ પાસે રીંગણાની નિંદા કરી તો બીરબલે પણ નિંદા કરી અને કહેવા લાગ્યો કે રીંગણા તો ખવાય જ નહીં.ગરમ પડે, વળી પીત્ત પણ થાય, રંગે કાળાને વળી કાંટાવાળા.

 

            બાદશાહ વિચારમાં પડી જતા બોલ્યો - “તું ય ખરો માણસ છે બીરબલ. એ દિવસે મેં રીંગણાના વખાણ કર્યા તો તે મારાથી બમણા વખાણ કરેલા અને આજ નિંદા કરી તો તું પણ નિંદા કરી રહ્યો છે.

 

            બીરબલે તત્કાળ જવાબ દીધો - “જહાંપનાહ, હું તમારો નોકર છું, રીંગણાનો નહીં.”

 

            આ જવાબ સાંભળી બાદશાહ ખુશ થઈ ગયા.

read (૭૩) સૌથી મોટું કોણ